بحث في هذه المدونة الإلكترونية

الأحد، 26 نوفمبر 2017

تجربتي لـ تويوتا فورتشنر 2016 VX2

مميزات وعيوب تويوتا فورتشنر 2016 vx2 من خلال تجربتي


المميزات :

1- السيارة دفع رباعي مع خاصية قفل الدفرنس الخلفي (مانع التعلق) 
وهذا جدًا نافع ومفيد اذا غرزت السيارة بحيث تشبك الدافلوك وتتحرك كل الكفرات الاربع .. 
2- عزم السيارة 6 سلندر رائع جدًا ويعجبني (لكن فئة 4 سلندر للاسف أعاتب تويوتا لأن من العيب تضع سيارة عائلي وتحطها 4 سلندر) !!!!! .
3- العزل الارضي والهوائي ممتاز وتحسن كثير بحكم أن معي سيارة صغيرة فلاحظت الفرق الشاسع بين عزل السيارتين. 
4- التصميم والدايزين رائع جدًا وخصوصًا مع الجوانب، الفورتشنر تغير تصميمه خلال هذا الجيل إلى الأجمل والأفخم خصوصا مع الجنوط الجديدة واضاءة الليد وخطوط الكروم الخلفية وشكل الشنطة واللمبات والاسطبات الامامية، فعلًا يعطيك فخامة وخصوصًا في اثناء عدم وجود اضاءة وفي الليل. 
5- الجنوط تغير حجمها وشكلها إلى الأجمل وتعجبني الجنوط اللي تكون خطوط الكروم متقاربة ويكون الجنط فيه مساحات مفتوحة .
6- اختفاء اصوات الديكور وتماسك الديكور برغم المطبات والحفر..
7- ارتفاع السيارة وهذا أهم معيار عندي، لأني أكره السيارات الطايحة والنازلة وللاسف في المجتمع السعودي ماراح تقدر تسوق زين طالمًا معك سيارة صغيرة ونازلة للارض.. فلذلك الفورتشنر مرتفع جدًا عن الأرض وارتفاعه مناسبني جدًا.
6- نظام الامان ممتاز والحمدلله (ايرباقات امامية وجانبية وانظمة الكترونية) 
8- الداخلية مريحة وواسعة عكس منظر السيارة الخارجي وتتسع لسبع أشخاص مع السائق وهذا ينفع العائلات الكبيرة. 
9- شاشة الترفية والملاحة.
10- التكييف لا يعلى عليه، ووجود ثلاجة ايضًا..مع خاصية فتح الشنطة بشكل كهربائي اذا قربت مفتاح السيارة للشنطة واغلاقها تلقائيًا بعد اقفال السيارة.
11- السيارة غير قابلة للانقلاب الا عاد اذا كنت مسرع مرة عاد ما اعتقد فيه سيارة فيها نظام خورافي يخلي سيارتك تمسك نفسها بنفسها.. 
12- حساسات وكاميرا خلفية ونظام مانع الاصطدام. 

العيوب:

1- السعر للأسف بالغ كثير الوكيل الله يهديه.
2- نظام الامان الحقيقي يبدأ من عند فئة vx1 اقل من هالفئة الله يعينهم!!!!!!!
3- ماني مستوعب حتى الآن أن ما زال الفورتشنر في فئة الستاندر يستخدم (فحمات في الخلف وقماشات في الامام) يعني نظام الفرامل بدائي جدًا ولازم تاخذ فئة اكبر عشان تصير كل الكفرات الاربع فحمات.
4-نظام الترفيه في الفئات اللي اقل من vx1 سخيف وبدائي وممل ولا يستحق هالمبلغ ولازم تركب شاشة وتدفع مبلغ وقدره. 
5- تويوتا ما زالت تستخدم 4 سلندر في الفورتشنر وهذه فضيحة مابعدها فضيحة. 
6-صرفية الوقود لا تعليق. 
7-في الفئات الاقل في الفورتشنر ( لا يوحد عتبة جانبية) يعني حاطين سيارة مرتفعة وما حطيتوا لها عتبة عشان الناس تقدر تركب !!
8- جنوط حديد مع اطياس في الستاندر


تجربة: ملزلز من البوابة الرقمية

ليست هناك تعليقات :

إرسال تعليق